No.6105/2020-2021

Aizawl, the 15th October 2020 : New Delhi a cham mek Lok Sabha MP Pu C.Lalrosanga chuan nimin October ni 14 khan DONER Minister Dr Jitendra Singh hmuin Mizorama hmasawnna hnathawh mek leh thawh tum thenkhat a sawipui a ni.

Pu C.Lalrosanga chuan DONER Minister hi Mizoram khaw 19 a bawlhhlawh sawngbawlna hmun Solid Waste Management Centre din rawtna te a sawipui a. Lunglei khawpui tan bika bawlhhlawh paih leh sawngbawlna hmun dinna tura sum tlema zawng an pek tawh bak, instalment dang an dil leh te chu an OSD nena lo indawr zui tura tih chu a bawhzui nghal a.OSD IRS Officer hian Ministry lam te phone nghalin hemi ni tlai la la hian MP chu rawn phone leh nghalin,Lunglei khawpui tana bawlhhlawh sawngbawlna tur sum hi a fel thuai a rin thu a rawn hrilh a ni.

Pachhunga University College academic building sak thatna tur sum mamawh belh chungchang a sawipui bawk a. Hmarchhak state-te tana NLCPR sum pek chhuah chungchangah Union Minister chuan COVID 19 avanga harsatna a awm rih thu sawiin, North East Special Infrastructure Development Scheme hnate chhunzawm zel a ni tih MP chu hrilh a ni.