2274/2022-2023
Lunglei the 11th October 2022 : Lunglei District atanga MPSC Combined Exam a tling thar te vawiin chawhnu khan Pu Kulothungan A, IAS Deputy Commissioner Lunglei chuan a office chamber ah chawimawina a hlan.

Pu Kulothungan A chuan MPSC Combined Exam ah Lunglei District atanga mi pali in hlawhtlinna an chang chu thinlung takin a lawmpui thu a sawi a. Vawiin a hlawhtlinna an chan chu a bul tanna a ni tiin, thahnemngaihna nen a kal zel a hlawhtlinna sang zawk chang thei turin a chah a. Nakin zel a mipui rawng an bawlna tur ah mi rinawm leh midang te tana innghahna tlak ni theuh turin a chah bawk a ni.

Vawiin a Lunglei DC in chawimawina a hlan te chu Betty Lalrinfeli – MCS, Grace Lalremdiki Sailo – MCS, Doris Lalrinawmi – MCS leh R.Lalthankima – MPS te an ni.