2273/2022-2023
Lunglei the 11th October 2022 : Vawiin khan Art & Culture, MCCA Sub Hqrs leh Mizoram Independent School Association te buatsaihin Saikuti Hall, Lunglei ah Folk Dance & Music Festival hun hman a ni. Pu R.Hmingthanzuala, Director, Art & Culture Department chuan khuallian niin a hmanpui.

Folk Dance & Music Festival hun hi Pu F. Rohmingliana, Principal, CMS chuan kaihhruaiin khuallian Pu F. Hmingthanzuala chuan he hun buatsaihtu organising committee ten hmanpui tura an sawm avangin lawmthu a sawi a. Kan hnam, kan ram enkawl tur hian hnamdang an pawimawh lova, keimahni hi kan pawimawh a ni a ti a, Pathianin hnam hrang hrangte hnenah culture hrang hrang a pe a, Mizo te pawh culture hrang min pe a, chu culture chu kan vawn nun leh humhalh a ngaih thu a sawi a, hnamdang zia la te chu hnam ral a ni a ti bawk. Tlawmngaihna te, aia upa zah te leh Nu leh Pa thu te zawm tlat turin a duh a, zirna hi kan rawngbawlna peng pakhat a ni a, zirlaite tha taka zira mahni phaktawka kohhran rawngbawlna a inhmang theuh turin a chah a ni. Mizo tawng ral tur leh thi mai tur an sawi te hi vawng nunga chawilar zel turin zirlaite a chah a bawk. Ruihhlo hian kan ram a tibuai a, thalai tam tak ruihhlo avangin an thi a, chuvangin zirlai te chu nun vawng uluka ruihhlo laka fihlim theuh turin a duh a ni. Zirlai te hi nakin lawkah a tha zawnga Mizoram kalpui tu tur in nih dawn avangin sualna hrang hrang do kawng ah hma la a siam tha tu ni turin a chah a ni.

Vawiina Folk Dance & Music Festival hun hman ah hian MCAA leh MISA School sawmpakhat atangin zai, hnamlam, musical drama leh item hrang hrang entir a ni.