Vawiin khan DC’s Conference Hall, Mamit ah Pu V. Lalremthanga IAS District Bawrhsap kaihhruaina-in Mamit-a MPSC Exam Centre hawn tum chungchang ah meeting pawimawh tak neih a ni a. He hun hi Pu Andrew Lalherliana Member, MPSC in a hmanpui.
MPSC Member Pu Andrew Lalherliana chuan MPSC Exam Centre hi District Hqrs pathum, Kolasib, Mamit leh Lawngtlai-ah te hawn ala nih loh thusawiin hawn theih dan tur ngaihtuah mek anih thu a sawi a, tunah hian hemi endik a lo kal anih thu a sawi a, Mizoram sawrkar in hna chi hrang hrang Grade Pay 4200 chin dinglam lak turah MPSC kutah a dah a, MPSC kaltlanga hna lakte fare leh fimkhur thei ang bera lak anih thu kalkhawmte hrilhfiah in hemi atan hian Strong room rintlak tak te, Exam Centre hmunhma remchang tha te, Public Support tha tak neih a tul thu te, a ngaih thu a sawi bawk.
Pu Andrew Lalherliana chuan meeting a tel te zawhna chi hrang hrangte chhangin MPSC chu Constitutional Body anih angin dan ang thlapa kalin hmate lak a ni thin a ti a, Langtlang taka thil tih anih avangin a fare em em a, thil tih sual leh dik lo te chu chawp leh chilha siam that zel anih thu a sawi bawk.
Pu Andrew Lalherliana, Member MPSC chuan MPSC Exam Centre a tana Committeee in a ngaih Mamit College chu a hmunah enin MPSC Exam Centre ah a remchang hle a, a hriat thu sawiin MPSC Exam Centre Mamita hawn turah hian harsatna a awm loh thu kalkhawmte chu a hrilh a ni.
Pu Andrew Lalherliana hi Pu Lalngurliana Hmar, Superintendent, MPSC in a tawiawm a ni.
He meeting-ah hian Joint V/C aiawh, Sub Hqrs YMA Office bearers te, MJA Members te, Zirna lam hotute, MZP hruaitute bakah sawrkar officials te an tel a ni.
