Vawiin khan Mizoram Rifle Association (MRA) hruaitute chuan Larsap Pu Vakkom Purushothaman chu Raj Bhawan-ah an hmu a. Larsap hi MRA Patron-in-Chief a nih angin March ni 18 leh March 23 inkara Zaua Sailo Memorial North East Shooting Championship Aizawl-ah neih tur chungchang an sawipui a ni.

He Championship-ah hian Hmarchhak state hrang hrang atangin silai kapthiam mi 250 vel tel tura beisei an ni a; Assam, Sikkim, Nagaland, Manipur leh Meghalaya te chuan an rawn tel tur thu an tihchiang tawh a ni. Men, Women, Youth leh Junior(Men & Women) category-ah te 10 meter Air Rifle leh Pistol inelna buatsaih a nih dawn bakah .22 Open Sight leh Peep Sight Standard Rifle Shooting-ah te inelna neih a nih bawk ang.