No.7530/2020-2021
Vawiin khan Aizawl Civil Hospital ah Mizoram State AIDS Control Society, Association of Voluntary Blood Donors leh Aizawl Civil Hospital Blood Bank te chuan Valentines’ Day pualin ‘Show Love, Give Blood’ tih thupui hmangin Thisen Pek Runpui Blood Donation Camp an buatsaih a, mi 126 in thisen an pe a ni.
Kum 2010 atangin kumtin Valentine’s Day pualin Blood Donation Camp hi buatsaih thin a ni a, nikum thleng khan hemi programme kaltlangin a belhkhawmin Mizoram pumah thisen unit 7342 lai pek a lo ni tawh a ni. Heng zinga unit 4180 chu Aizawl Civil Hospital atana pek a ni.
