Vawiin chawhnu khan Mizoram Social Defence & Rehabilitation Board(MSD&RB) Chairman Pu P.C. Lalthanliana Minister Social Welfare Chamber-ah meeting pawimawh neih a ni a. He meeting ah hian MSD&RB kalphung leh hnathawhte thlirletna leh hmalak zel dan tur te an sawi ho.

Minister chuan Mizoramah sualna a punlun dan te, a bik takin ruihhlovin min tih buai dan te sawi lang in, heng avanga harsatna tawkte chhanchhuah chu kan tum ber a ni, a ti a. He hna thawk tur hian sawrkar mai bakah mimal, kohhran leh NGO te inpekna leh hnathawh fak tlak sawi tur tam tak a awm a ni, a ti. Tan la lehzual tura MSD&RB thawktute ngenin he meeting-ah hian Mizoram a ruihhlo ngaite dinhmun leh anmahni enkawl dan zirchianna (research) nei a lehkhabu siam SITUATINAL ASSESMENT OF SUBSTANCE ABUSE AND IRCA PROGRAM IN MIZORAM tih chu tlangzarh nghal a. He zirchianna atang hian hmasawnna tur tamtak a awm ngei a beisei thu a sawi bawk a ni.

He meeting-ah hian Parliamentary Secretary Pu K.Lalrinthanga leh Social Welfare Commissioner, Director, MSD&RB CEO leh member Officer pawimawh taktak an tel a ni.