1137/2022-2023 

Aizawl 4^th July 2022: Mizoram Social Defence & Rehabilitation Board (MSD&RB) Social Welfare & Tribal Affairs Department leh SCERT tangkawp chuan ni 4th July, 2022 atanga ni 6th July, 2022 thleng awh tur “ Training of Master trainers for Drug prevention in schools ” chu SCERT Auditorium, Chaltlang ah a buatsaih a. Pu Arun Mishra IAS, Secretary, Social Welfare Department  chuan Training hawnna hun a hmang a. SCERT  hotu te leh, MSD&RB, Social Welfare & Tribal Affairs Department lama thawktu te pawh a hawnna ah hian an tel a ni.

Master trainer training ah hian Mizoram chhung district hrang hrang atangin DIET lecturers te thlanchhuah niin Drugs chungchangah zirtirna pek an ni dawn a. International expert on Drugs Mr. Debashis Mukherjee chuan ‘Drug Module’ MSD&RB, Social Welfare & Tribal Affairs Department buatsaih te hmangin zirtirna hi a pe dawn a ni.

Drug module hi naupang kum mila siam niin, Primary School, Middle School, High & Higher Secondary School-ah te hman theih tura buatsaih a ni. Master trainer te hian an awmna district chhungah Drug module hmang te hian Zirtirtute training an pe chhawng leh anga, Zirtirtute hian naupang te hnenah naupang kum milin Drugs chungchangah zirtirna hi an kalpui dawn a ni.

MSD&RB, Social Welfare & Tribal Affairs Department hmalakna a naupang kum 18 hnuailam te zinga zirchhianna “ Study on Drug use amongst children between 10 to 17 years in Mizoram 2022 ” in a tarlan danin kum 5 liamta ai khan naupang ruihhlo ti an tam tih a hriat mai bakah an ruihhlo tih tan kum pawh a naupang telh telh avangin naupang te zingah zirtirna hi nasa taka kalpui a hun tawh takzet a, he training pawh hi chumi bawhzuina atana Sorkar Department hmalakna pawimawh tak pakhat a ni.