1136/2022-2023
Mamit 4th July, 2022 : Shri Umakant IFoS Jt. Secretary (WM) Gov't Of India, Central Prabhari Officer for Aspirational District, Mamit chuan vawiin khan Mamit tlawhin DC Conference Hall, Mamit-ah Aspirational District hnuaia hmalakna hrang hrang thlirho-in meeting neih zui a ni.

Vawiin Meeting-ah hian Aspirational District, Mamit hnuaia hmalakna hrang hrangte a lem nena tarlanna neih niin Ranking hnuhnung ber May, 2022 a lan danin Health & Nutrition-ah 112th kan ni a, Education-ah 8th niin, Agriculture & Water Resources-ah 72nd a ni. Financial Inclusion & Skill Development-ah 62nd niin Basic Infrastructure-ah 6th kan ni mek a ni. Delta Ranking-a kan dinhmun atangin hmasawn ngai lai leh hmachhawpte sawiho zui nghal a ni.

Shri Umakant Jt Secretary, Central Prabhari Officer chuan Health and Nutrition parameter tehkhawngah tun dinhmunah hniam taka kan awm chu pawm harsa a tih thu sawiin, CPO Mamit District a nih angin pawi a tih thu a sawi a, theihtawpchhuah turin Concern Department-te a hrilh. Kawng chungchangah pawh Ministry of Road Tranport-ah hmalakpui a tum thu a sawi bawk. Mamit District chu Tourist hmun tha tak a nih thusawiin tourist tlawhtute atangin hmasawnna leh nasa taka Mamit mipuite tan pawh changkanna lamah rah tha a thlen a beisei thu a sawi.

CPO chuan kan District chawikan nana kan hnathawhte chu a chhawr tangkai tur mipuite hnen a thleng tha em tih hriat a nih theih nan mipui atanga feedback system kan siam a ngaihthu sawiin, Concern Department leh Mamit District mipui Beneficiaries awmkhawmna Whatsapp Group siam turin Officials-te chu a hrilh bawk a ni.

District Bawrhsap pawhin Central Prabhari Officer-in Mamit District a tlawh chu a lawmawm thu sawiin rah tha tak a chhuah ngei a beisei thu a sawi bawk.

Shri Umakant Jt Secretary hian naktuk hian Mamit leh a chhehvel khuaa hmasawnna hna thawh hrang hrangte a hmunah kalchilhin a tlawh ang.