Micro Small and Medium Enterprises (MSME) te tih changtlunna turin Sawrkar Laipui chuan India ram State hrang hrang atangin district 104 a thlang chhuak a. Chung a thlan chhuah zingah chuan Serchhip District chu tel ve in he District atana a focus chu handloom a ni. Weavers Service Centre a official thawk mek te chu handloom lama hmasawnna turin Supervising Officer leh Nodal Officer ah ruat an ni a. Bank, DC Office leh puantahtute inpawhtlang tak leh chak zawka hna an thawh theih nan Serchhip District-ah hian a mawhphurtu tur full time a thawk Nodal Officer chu deputation a dah a ni.

November ni 2, 2018 khan Supervisory Officer atan Sanjay Kumar Gupta dah a ni a, Nodal Officer atan Rhushikesh Manohar Desai dah a ni bawk a. Heng mite hian Weavers Service Centre, Aizawl a thawk technical team te nen Serchhip district chhung khaw hrang hranga weavers te an tlawh chhuak a, he scheme ah hian inziaklut turin an fuih a ni. Prabhari Officer Kirshan Bahadur Singh, IFS chuan an hnathawh dan  vilin a enpui reng bawk a ni.

Skill Upgradation/ Looms, Accesories/Workshed leh Light Units atan weavers 516 an inziaklut a. Weaver 1066 in Pehchan Card an dawng tawh bawk. Yarn Supply Scheme hnuaiah Yarn Passbook 472 sem chhuah a ni tawh a. Handloom Mark/ India Handloom Brand atan weaver 69 in dilna an thehlut a, weaver 118 in MUDRA Loan dilna thehlutin Insurance scheme ah weaver 98 an in ziaklut a. Thenzawl leh Serchhip-ah Marketing Event lian tham tak tum hnih buatsaih a ni a, cheng nuai 9.47 man hu hralh chhuah a ni.

Hastkala Sahayog Shivir chu January ni 17, 2019 khan Hmar Veng YMA Hall, Serchhip District ah buatsaih niin hetah hian weaver te tan scheme-a inziahluhna hun hawn a ni a. Handloom sector-a hna an thawh that avangin Women entrepreneurs, state awardees, designer, master weaver te chawimawina hun hman a ni a. Ram pawna bungraw hralh chhuah dan, Self Help Group chungchang, Weavers Mudra loan, insurance, yarn supply scheme leh thil pawimawh dang zirhona hun an hmang nghal bawk a ni.