4386/2024-2025

Aizawl, the 21st January 2025: Report dawn bawhzuiin vawiin khan  Kawnpui - Durtlang - Aizawl Road BRO hnuaia resurfacing hna Sihphir leh Lungdai inkar chu Mizoram State Project Monitoring Committee (MSPMC) te’n an endik a. Sihphir leh Lungdai inkar, Lungdai thlen hmaah resurfacing hna thawh lai mek chu tha tawk lo eng emaw zat hmuh a ni.

 He hna hi Contractor BRN Infrastructure Pvt. Ltd., Jaipur, Rajasthan te thawh a ni a. He hna thalo hi belhkhawm in km khat bawr vel a ngaih theih tur a ni a. Hna tha lo zawng zawng hi Contractor te hian hai khawh leh vek a, resurfacing hna hi tih that leh vek an tum thu an sawi.

He endik hna hi Er. Lalthanzuala Ralte, Secretary MSPMC, Pi Vanchhungi, Task Force leh Member Prof. Chawngsailova leh Pi Lalremsangi Fanai te’n an thawk a. Er. Diana Lalramthari, Sr. SDO, QCR&D Division, PWD leh Technician te, Lungdai khawtlang hruaitute VCP leh VC Member te YMA hruaitute leh BRN Infrastructure Pvt. Ltd. a an General Manager Pankaj Sen te’n inspecting team te hi an tawiawm bawk.