4385/2024-2025

Dated Aizawl the 21st February, 2025 : Sawrkar laipuiin India rama rualbanlo te hamthatna tura a duan pakhat, Sugamya Yatra (Accessible Walk) Accessible India Campaign pualin Commissioner, Persons with Disabilities leh NILD te nen tang kawpin vawiin khan Sugamya Yatra Audit Team leh rualbanlo thenkhatte chuan mipui punkhawmna building hrang hrang: Biak In, Sorkar In, Zirna In leh a dangte chu tlawhin an endik.

Sawrkar laipui thuchhuah bawhzuiin India ram pumpuiah Sugamaya Yatra hi kum 2015 atang khan vawiin thlengin kalpui mek zel a ni a. Chumi atan chuan rualbanlote pawh awlsam taka an kal zung zung ve theihna turin building hlui siam rem, (retrofitting) ngai ang angte pawh June 2022 khan zo fel vek tawh tur a beisei a ni. Sorkar laipuiin India ram chhunga he campaign neihna hmun atana khawpui 100 a thlan zingah Mizoram chu a tel ve avangin, Mizoram ah pawh he campaign pual a building hrang hrangte tlawh kualna hun hi neih a ni ta a ni.

A hnuaia hmunte hi Campaign puala Vawiina hmun tlawhte chu an ni.

1. Aizawl Municipal Corporation.

2. RIPANS.

3. Mizoram State Cancer Institute.

4. Presbyterian Kohhran Biakin, College Veng.

5. Directorate of Health & Medical Education.

6. Superintendent of Police (Security) Mizoram Police.

7. Secretariat Main Building.

Heng building hrang hrang ah te hian rualbanlote tan a thlen phak lohna a tam hle a, in thiarna pawh rualbanlote hman theih loh  a la tam hle a. Wheelchair hmang te tan a kal theihna a la that tawk loh mai bakah mitdelte tan a awlsam tak a kal theihnate pawh a la tha tawk lo hle a ni.