4384/2024-2025

Dated Aizawl: the 21 February 2025 : Vawiin khan Mizoram chhunga district 9-a school thlan bikahte Pawl 3 leh Pawl 6 Random examination chu buatsaih a ni a. Primary school 217 leh Middle School 107 atangin zirlai naupang 2950 chuangte chuan exam hi an hmachhawn a ni.

Random Examination-ah hian Naupangte chu common question chhantir niin, exam hi OMR sheet hmang vek a buatsaih a ni a. Hei hi National Education Policy (NEP) 2020-ina a tum tihhlawhtlinna atana rahbi thar pakhat niin, Zirlaibuin zirchhuahpui a tum Learning Outcomes te naupangte chu a zirchhuahtir em tih hriatna atan a pawimawh hle tur a ngaih a ni.

Vawiina  zirlai naupang exam hmachhawnte tan hian SCERT chuan Pawl 3 leh Pawl 6 Completion Certificate a pe dawn a. Exam kalpui dan tur inzirtirna hun chu February 18, 2025 khan SCERT hnuaiah neih a lo ni tawh a ni.