Vawiin chawhma dar 11 khan Mizoram State Sports Council Executive Committee chu an President, Sports Minister ni bawk Pu Zodintluanga hovin a pisaah an thu khawm.

Pu Zodintluanga chuan Council-a thawktute leh Association-te inpekna fakin an thawhrimna avangin Mizoramin infiamna kawng hrang hrangah chak takin hma a sawn mek zel a ni, a ti a. Mizoram sawrkarin infiam mite hma khua a ngaih avangin sports infrastructure changtlung tak a siam belh mek zel thu a sawi.

MSSC Secretary Pu C.Laltlanthanga’n meeting hmasa thu rel an bawhzui dan report pein, kum 2015-2016 chhunga an hma lakna tlangpui a tarlang a. Meeting-ah hian November ni 11-16, 2016 chhunga National Ranking Table Tennis Championship neih tur Aizawla thlen chungchang ngaihtuah a, remtih a ni a. MSSC Land Protection Committee member ruat thar niin, Mualpuia R.Dengthuama Indoor Stadium hman dan tur chungchanga rawtnate thlir ho va, pawm a ni bawk.

MSSC Executive Committee-ah hian Sports & Youth Services Secretary Pu HL Rochungnunga bakah, SYS leh sports association hrang hrang aiawh member-te an tel.