Vawin khan Govt Republic Higher Secondary School Alumni Association chuan Chanmari YMA Hall-ah kum 2016 HSLC leh HSSLC-a zirlai ti thate chawimawina hun leh thlahna hun an hmang a. Er Lalrinawma MLA chu Khuallian niin, Alumni President Lalruatfela'n he hun hi a kaihruai a ni.

Kumin HSSLC exam-ah khan Govt Republic Higher Secondary School atang hian Top 10-ah mi pahnih langin, mi 105 laiin hlawhtlinna an chang a. HSLC lamah pawh result tha tak neiin, mi 63-in hlawhtlinna an chang bawk. Kumin hian Distinction-a pass, subject zawng zawnga letter mark hmu pawh awmin, vawiin hian chawimawina hun hman nghal a ni.

He hunah hian Khuallian, Principal leh Headmistress te’n fuihna thu an sawi bakah, Alumni President-in 'Eng kim innghahna chu thil tih a ni' tih a sawi bawk.