1315/2023-2024

Aizawl, the 31^st July 2023: Vawiin khan  Raj Bhavan-ah  Pu Samuel Zothanpuia, President, MSU leh a thawhpuite chuan Governor Dr Hari Babu Kambhampati an hmu a. MSU hotute chuan Governor hnenah hian  Mizoram State atanga Central Agriculture University, Imphal khawpuia zirlaite harsatna tawh chungchang an thlen a. Heng zirlaite harsatna tawh  mek te chu chinfel sak turin Governor chu an ngen a ni.

MSU hotute chuan tunah hian CAU, Imphal-ah Mizoram atangin zirlai 39 an awm mek tih an sawi a. Heng zirlai 39 zinga 12 te chu final year leh zir zo tawh tur an nih lain 28 te chu 2^nd August, 2023 ral hmain admission documents (hard copies) te CAU, Imphal-ah submit tura tih an ni a. Exam hmachhawn nghal tur an ni  tih an sawi tel bawk.  Tun dinhmunah Mizoram atanga Imphal a zu chhuk chu a him lo niin MSU hotute chuan Governor hnenah hian an sawi a. Heng an harsatna tawh mekah hian kawng dang dap sak turin Governor hi an ngen a ni.