No.2687/2021-2022
Aizawl : 22nd.Oct.2021 : Mizo Student Union Regional Hqrs Lunglei chuan vawiin chawhma dar 11:00 khan Lunglei Press Club- ah BPL leh AAY zirlai naupang te hnenah a thlawnin Smartphone an sem.

Smartphone semna puala inkhawm buatsaih hi Laldinmawia MSU Secretary in a kaihruaia Rbt.H.Roluahpuia Adviser MSU Regional Hqrs Lunglei in Pathian hnena inhlanna hun a hmang. He huna khuallian Pu Rex.Zarzoliana Vanchhawng MPS, S.P Lunglei chuan thu sawiin,Zirlai Pawl kan ni emaw thil dangah kan inhmang emaw pawh nise kan theihtawp kan chhuah hian ram tan kan tangkai a ni tiin, MSU ten zirlai harsa zawkte tana Smartphone an sem theihna tura hmalatu Lunglei D.C fakawm a tih thu leh D.C in hetianga hma a lak theihna tura ngaihtuahna sengtu MSU hruaitute fakawm a tih thu a sawi. Kum 10 chuang kalta a Computer kan hman thin aia chak zawk daih zirlai ten Phone an hum haw chu a changkan ang taka changkang tak leh tangkai taka hman a pawimawh dawn a ni tiin, zirlai tanpuitu atan a dawngtu ten an hman chuan an hlawkpui hle thei a, thil thalo tihna atana hman a nih erawh chuan a pawi thei viau dawn a ni a ti.

Khuallian Pu Rex.Zarzoliana chuan Smartphone that leh that loh ai chuan a neitu rilru leh innghahna a pawimawh ber a ni tiin, innghahna diktak neia a nihna diktak a hman a nih chuan a tangkai hle ang tiin, innghahna dikah innghatin kan hmaa chona awm apiang hmachhawn thei tura kan inbuatsaih a ngai a ni tiin Zirlaite hnenah Smartphone a sem a ni.

He hunah hian MSU Regional Hqrs President Johan P.C Lalruatdika pawhin thu sawiin, Sawrkar sum neilo tlat kan nei thin te, Engineer kawng siamtha thei miahlo te, Zirtirtu aikal la tlat thin te Zirtirtu thiam tak naupang enkawl tha thei tlatlo te hi ram ti thuanawptu an ni tiin, Pension tawh rawih nawn thin chi MSU chuan a duhloh thu a sawi bawk.

Zirlai harsa zawkte tana Smartphone an sem theihna tura theihtawp chhuahpuitu Lunglei D.C chungah MSU President hian lawmthu a sawi bawk a ni. Smartphone semna hunah hian MSU Regional Hqrs Lunglei in zirlaite tana an hmalakna kawng hrang hrangte Asst. Secretary Laldingngheti Pautu in report pein Stacy Punte in zaiin kalkhawm te a awi bawk a ni. Vawiina Smartphone semna ah hian dawng tura thlan mi 46 zing atangin mi 15 hnenah sem niin a bak hi a remchan dan angin sem chhunzawm nghal a ni ang.