Mizoram Social Welfare Officer’s Association General Conference chuan Social Welfare Department hnuaia hmalakna hrang hrang leh hmasawnna te avangin Pu LaL Thanhawla, Chief Minister, Mizoram leh sawrkar chungah an lawmzia tihlan nan a hnuai ami ang hian lawmthu an sawi.
1. ICDS Project- hnuaia CDPO Office leh Godown te mimal inluah (rented) ni thin kha. ICDS Project engemawzat ah CDPO Office leh Godown te changtlung takin an lo nei thei ta a, lawmawm an ti hle a ni.
2. Social Welfare Department Director Recruitment Rule kum 20 chuang buaipui tawh tih hlawhtlin saka Director atana Department mi ngei an nei thei ta hi lawmawm an ti.
3. Eklavya Model Residential School, Tribal naupang tana School changkang leh zirtirna tha, mi awmthei fa te tan chauha tih thin kha tunah chuan thingtlang kilkhawra naupangte tan hawn a ni a, hawng zel tura hma pawh lak mek zel a ni. A hnuaia mi ang hian :
(1) EMRS - Serchhip-ah 2015 atanga hawn tawh a ni.
(2) Hmalak mek na te : EMRS - Chawngte, Lawngtlai, Tuipang, Ngopa
4. Social Welfare Deptt. hnuaia Post creation leh post fill-up chungchang
1) Joint Director post-2 fill-up a ni.
2) DPO post-4 fill-up leh Deputy Director leh Centre Director post ruak te fill-up a ni.
3) ICDS restructuring and strengthening chungchangah post thar 57 fill-up nghah mek a ni.
4) CDPO 7 lai co-terminus appointment/promotion te regularised niin Co-Terminus tih hi Delete a ni.
5. Upgradation of Protective Home (Building and Quarters bakah Administrative building leh Dormitory) hi kan Minister zahawm takin NEC kaltlanga a hmalakna avangin changtlung taka luah tawh a ni.
6. Scheduled Tribe Girls Hostel Mizoram hmun hrang hrang 13 laiah sak mek a ni a. Heng zinga 5 phei chu sak zawh tawh a ni.
7. Observation Home : Pukpui, (Lunglei)-ah engkim approved tawh a ni a. A building sa tura hmalak mai theih a ni tawh a ni.
8. Mizoram chhunga Anganwadi building te hi thawm thatna Fund ala awm ngai reng reng lova; tunhnaiah Anganwadi Centre chhezual engemawzat Repairing fund kan hmuh angin repair a ni a, lawmawm kan ti tak zet a ni.
9. Anganwadi Centre a Nutrition sem thin zingah Anganwadi Workers/Anganwadi Centre ten awlsam zawka Buhfai an dawn theih nana PDS-a min tihsak avangin Project tinin an zangkhai phah hle a, lawmawm an ti hle.
10. Universal Women Help Line pawh tunah chuan Office hran neiin function theih a ni ta bawk.
11. Women & Child Development Department Bifurcation tura chak taka hmalak a ni hi lawmawm kan ti hle.
Chief Minister zahawm takin theih tawp chhuaha hma a lakpuina thenkhat chauh leh a hlawhtlinna an hmuhte an ni a. Heng bakah hian kawng tam takah theih tawpin tan ala a, a thawh rimna leh theih tawp chhuaha Social Welfare Department tana a thawhna hi chhuanawm an ti takzet a. Social Welfare Officer’s Association chuan lawmthu an sawi a ni.
