1190/2026-2027

Aizawl the 25th June, 2026: Vawiin khan Agriculture & Farmers’ Welfare Minister, Pu PC Vanlalruata kaihhruaina hnuaiah, a office chamber-ah Mizoram Agriculture Marketing Board (MAMB) chuan Mualkawi Secondary Collection Centre te hnena minimum support price aia sanga sawhthing hralhna man tlingkhawm, ₹1,99,833 hlan letna hun an hmang.

Mualkawi SCC te hian Primary Society pariat an huam a. Chungte chu -- Mualkawi, Zokhawthar, Kelkang, Dilkawn, New Hruaikawn, Hruaikawn leh Buhfekzawl te an ni. Kum 2026 chhung hian Mualkawi SCC te chuan sorkar flagship programme kaltlangin an bial chhunga farmer te sawhthing thar chhuah chu auction kaltlangin an hralh chhuak a. Sawrkarin minimum support price (MSP) ₹50 per kg a ruat aia sangin sawhthing hi an hralh thei a, an hralhna rate sang ber chu ₹59 per kg lai a ni. MSP aia sanga an hralhna pawisa tlingkhawm hi ₹1,99,883/- niin, he pawisa tlingkhawm hi MAMB hnenah Mualkawi SCC chuan an chhung lut a. An pawisa chhun luh ang ang chu MAMB hian a hlan let leh a ni.

Minister Pu PC Vanlalruata, chuan thu sawiin, Mualkawi SCC ten farmer te tana rinawm taka hma an lo lak dan chu a lawmawm takzet a ni tiin, midang tana entawntlak an ni,  a ti. Sawrkarah an hlawkna te rawn chhun letna chang an hria chu ropui a tih thu sawiin,  anni anga rinawm taka farmer te tana hma la tur hi ramin a mamawh a ni, a ti a. Minister chuan MAMB anga lawmthu sawina ni pahfawmin, an SCC chuan godown thuamthat kawngah leh mamawhna hrang hrang an neih atana an hman theihnan pawisa chu hlan let an nih thu a sawi.

Pi Ramdinliani, Secretary, Agriculture & Farmers’ Welfare Department chuan thusawiin India ram hmun danga cooperative society ten farmer te thlai thar felfai taka auction an kalpui dan te leh farmer ten hlawkna an tel dan te a sawi a; chutiang anga hma la chho ve zel turin Mualkawi SCC te chu a fuih a ni.

Horticulture Department Secretary Pi Maria CT Zuali pawhin thu sawiin, sawrkarin sawhthing tharchhuah leh hralh kaihhnawih hmachhawp an neih te a sawi a ni.

Mualkawi SCC aiawhin an Chairman Pu Biaknunmawia chuan sawrkarin an SCC tana pawisa hlan letna programme an huaihawt chu lawmawm a ti a, an SCC huam chhunga farmer te sawhthing thar chhuah chu uluk takin a hmunah an enfiah thin a, dik leh felfai thei ang berin hma an la thin a ni, a ti.

He programme ah hian Pu Lalhmingmuana, Managing Director, MAMB chuan report pe a;

Pu Vanlalpeka, MAMB member leh Pu Lalfakzuala, CEO Banakaih te’n thu sawiin, Mualkawi SCC te hmalakna fakawm an tih thu an sawi.

Programme-ah hian Agriculture & Farmers’ Welfare Department leh Mizoram Agriculture Marketing Board atangin official te an tel a ni.

Mualkawi SCC bakah hian MSP aia sanga sawhthing hralhna SCC hi 22 an awm a. 3rd- 13th May, 2026  chhunga hmun hrang hranga Rs.50/- aia sanga sawhthing hralhna te:

1. E.Lungdar SCC                   :  51/-

2. Rabung SCC                       : 55/-

3. Khawzawl SCC.                 : 53/-

4. Mualkawi SCC.                  : 59/-

5. Hrangchalkawn SCC          : 50/- 

6. Lungtan SCC                      : 55/-

7. Vaphai SCC                        : 55.50/-

8. Cherhlun SCC                     : 51/-

9. Farkawn SCC                      : 58/-

10. Ngopa SCC                       : 55/-

11. Mualcheng SCC                : 55/-

12. Sialhawk SCC                   : 60/-

13. Phuaibuang SCC              : 51/-

14. Tuirial SCC                      : 51/-

15. Khawhai SCC                   : 54/-

16. Puilo SCC                         : 56.5/-

17. Vanchengpui SCC            : 56.50

18. Tuidam SCC                     : 50/-

19. Champhai Cold Storage    : 54.50/-

20. Khawbung SCC                : 52/-

21. N.Khawlek SCC               : 50/-

22. Vanbawng PCC                : 50/-

23. Phuaibuang SCC               : 54/- 

Sawhthing lei zawng zawng: 186693.66 quintal

Attachment

  • Loading attachment...