No.1273/2021-2022  

Aizawl 7th July 2021: Aizawl DC chuan Muanna Veng hmun thenkhat Containment Zone/Area-a puan belh a nih thu a chhuah a. Hemi chungchanga DC thuchhuah chu a hnuai a mi ang a ni e.

Aizawl khawpui chhungah COVID-19 positive hmuhchhuah a pung zel  a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation 11(1) of the Mizoram Epidemic Diseases (COVID-19) Regulations, 2020 behchhanin Muanna Veng hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Muanna Veng hmun thenkhatah hri kai thar an awm belh zel avangin hmun thenkhat Containment Zone/Area-a puan a rawn rawt a. He rawtna ang hian a hnuaia Muanna Veng (Khuangchera Section) hmun tarlante hi ni 07.07.2021 (Nilaini) Zing dar 10:00 atangin Containment Zone/Area-ah puan a ni.

Muanna Veng (Khuangchera Section) Containment Zone puan belhna :

Khuangchera Section huam chhung Pu K.Vanlalchhuanga Building leh Pu.Rohnuna (L) Building inkar zawng.

(Total Number of Households) - 10

Heng Containment Zone/Area chhunga khawsa, harsatna neite tan a hnuaia mite hi biak pawh theih an ni ang.