No.1274/2021-2022
Lunglei the 7th July 2021 - Lunglei DC Pu Kulothungan A hmalaknain India ram chhung hmun hrang hrang a NGO foundation/Company/Corporation-te atangin CSR kaltlanga mipuite tana hlawkpui leh tangkaipui theih tur Medical lam kaihhnawih bungraw hrang hrang leh ei bar kawnga mipui mamawh ngaihven chhunzawm zel a ni.
He hmalakna kal zelah Medical Oxygen For All (MOFA), New Delhi atangin Oxygen Concentrator pasarih (7) a thawn man te nen cheng nuai sarih (Rs 7,00,000/-) man hu dawn belh leh a ni.
Heng Oxygen Concentrator-te hi vawiin khan Lunglei DC Office kawtzawlah Lunglei DC Pu Kulothungan A chuan Lunglei CMO Dr LC Liana leh a thawhpuite hnenah a hlan a ni.
Covid-19 hrileng avanga Mizoram in hun khirh leh harsa tak kan tawn mek karah mipuite tana hman tangkai theih tur medical bungraw hrang hrang phal taka pe tu Pu Jatin Gupta, Founding Member, Medical Oxygen for All (MOFA), New Delhi bakah bungraw lakkhawm leh Mizoram–a thawnchhuah chungchangah a buaipuitu Pu Priyank Kishore, IAS chungah Lunglei Bawrhsap Pu Kulothungan A chuan Lunglei District mipuite aiawhin thinlung takin lawmthu a sawi a ni.
Lunglei District-a CSR kaltlanga tanpuinarawn lut tawh te chu a hnuaia tarlan ang hi a ni:
S No | Donor Organization | Equipment/Material Dawn leh a Man Hu | Date |
1 | Medical Oxygen For All (MOFA), New Delhi | Oxygen Concentrator paruk (6)
₹ 6,50,000/- | 04/06/2021 |
2 | VISION IAS Academy, New Delhi | PPE Kit/Set 1500, N-95 Mask 1500 leh Oximeter 100
₹ 20,00,000/- |
04/06/2021 |
3 | ACT Grants & Swasth Alliance, New Delhi | Oxygen Concentrator sawmli (40) leh BiPAP Ventilator paruk (6)
₹ 50,00,000/- | 09/06/2021 |
4 | O2 for India Org | Oxygen Concentrator panga (5)
₹ 6,00,000/- |
09/06/2021 |
5 | Akshaya Patra Foundation | ‘Family Happiness Kit’ 700
₹ 10,00,000/- |
05/07/2021 |
6 | Medical Oxygen For All (MOFA), New Delhi | Oxygen Concentrator pasarih (7)
₹ 7,00,000/- |
07/07/2021 |
Lunglei District-a CSR lo lut tawh belhkhawm |
₹ 99,50,000/- | ||
Attachment
- Loading attachment...
