Vawiin khan Chief Secretary Conference Hall-ah Chief Secretary hovin Mudra Promotion Campaign huaihawt tur chungchangah organising committee an thukhawm.

Sawrkar laipui chuan Mudra loan, financial inclusion scheme hrang hrang leh tangkafai hmang lova indawr tawnna (digital payment) tihlar a tum a. Hemi tur hian “Mudra Promotion Campaign” India ram pumah September ni 27, 2017 atanga October ni 17, 2017 chhunga kalpui turin a ruahman a. India ram chhung hmun 50 ah campaign hi neih a ni dawn a ni. Campaign hi mipuite digital payment hman dan zirtir mai bakah financial inclusion hnuaia insurance leh scheme dangte mipuiten tangkai taka an hman theihna tura inhrilhriatna(awareness) atana ruahman a ni.

Meeting hian Mizorama Mudra Promotion Campaign chu October ni 11-ah, Kulikawn YMA Hall-a neih a rel a. Kulikawn YMA Hall-ah hian Mizoram chhunga Bank leh Insurance Company ten stall an siam anga sawrkar scheme hrang hrang PMJJBY, PMSBY, APY, PMVVY–a enrolment a tih theih dawna hemi bakah hian Mudra loan leh SUPI loan a dil  theih nghal dawn a ni. PMJDY hnuaia account hawn theih turin leh RuPay debit card te sem nghal theih tura ruahmanna siam a ni bawk a. Bank account-a Aadhaar number leh mobile number thlunzawm pawh a tih theih nghal dawn a ni.

Meeting-ah hian Pu Zothankhuma, Commissioner, GAD; Pu Lalmalsawma Secretary, Finance Department; Pi K. Vanlalrawni Additional Secretary, Agriculture Department; Pu Lalthangbika Jt. Secretary, I&PR Department;  Aizawl DC Dr A. Muthamma; Pu Anshuman Sharma IRS, Deputy Secretary, Department of Financial Services, Goveernment of India;  leh NABARD, SIDBI, SLBC leh SBI aiawhte an tel bawk a ni.

Attachment

  • Loading attachment...