Prime Minister’s 15 Flagship programme (NRHM, SSA, NREGA, etc.) hmalaknate bawhzui a nihdan leh mirethei chawikan nana Mizoram sorkarin puitham taka New Land Use Policy (NLUP) kalpui a tum zirchiang tura Mizoram tlawh mek Multi-Disciplinary High Power Official Team te chuan vawiin khan Lunglei leh Saiha an tlawh a, rokhawlhna eng engemaw avangin Lawngtlai an tlawh thei ta lo a ni. High Power Team te hi tukin zing dar 8:00 khan Thuampui Helipad atangin Helicopter-in an thlawk chhuak a, State Planning Board Member-Secretary Pu P.L.Thanga, IAS (Rtd), SPB Adviser Pu Saihlira, SPB Dy. Adviser Pu Lalrikhuma Sailo leh Health Services Director Dr.N.Pallai ten an tawiawm a ni.
Multi-Disciplinary High Power Official Team te hi Lunglei-ah D.C. Pi Margaret Zohmingthangi leh Official pawimawh ten an lo hmuak a, D.C. Bungalow-ah inkawmna hun tha tak an hmang a. Hemi hnuah hian Lunglei Electric Veng-a SSA hnuaia Girls’ Hostel enkawl mek an tlawh a, classroom, mutna pindan leh choka thlengin chipchiar takin an en a ni. Anganwadi Centre-II, Zotlang leh Centre-I, Pukpui te pawh High Power Team hian an tlawh nghal a, Anganwadi worker, zirlai naupang leh nu leh paten o lawmin inkawmna hun hlimawm tak an hmang ho a ni. High Power Team hotupa Planning Commission Adviser (NE) Pu S.N. Brohmo Choudhury chuan SSA Hostel leh Anganwadi kalpui dan chu a lungawi thlak a tih thu a sawi nghe nghe a ni.
High Power Team te Saiha-ah an tumin Saiha D.C. Pu Rodney Lalrinawma hovin sorkar officials engemawzatin an lo hmuak a, 15 Flagship programme leh NLUP kaihhnawih department hrang hrang te hmalakna leh hmachhawp ziahna bu Team Member te hnenah an pe a ni. Circuit House-ah chhunchaw an eipui zawhah National Rural Health Mission hmalakna te hrechiang turin Civil Hospital Saiha an tlawh a, OPD, Blood Bank/Laboratory, Integrated Counselling & Testing Centre (ICTC), Operation Theatre leh damlo awmna Ward te an fangkual a, Saiha Civil Hospital dinhmun leh harsatna an tawhte CMO hovin an sawiho. Hemi hnu hian Mara Autnomous District Council (MADC) Office an tlawh bawk a, MADC Office tualah CEM hovin ropui takin anmahni lawmna inkhawm hmanpuiin hnam lam hmuhnawm takte en entir a. MADC Office bula SSA Mission Office bakah Saiha New Colony Veng-a lei tlahniam laite an en bawk a ni.
MADC Office-a Programme an hmanna ah hian CEM Pu S.Khipo chuan Mizoram sorkarin NLUP puitham taka kalpui an tum mek chu Saiha District hmun kilkhawra cheng mipuiten Chief Minister chak tak hnuaiah beiseina sang tak nen an lo thlir tih a tarlang a. Multi-Disciplinary High power Team te hnenah chuan BADP, BRGF leh Village Resettlement chungchanga rawtna Representation an thehlut bawk a ni. Team hotu Pu S.N. Brohmo Choudhury pawhin thusawina hun hmangin an lo kal chhan te a sawifiah a, NRHM lama hmalakna dante chu tha tiin tam tak tih tur a la awm a ni, a ti a. NLUP chungchangah chuan thingtlang hmun kilkhara mite chawikan nana project a nih avangin a ram leh mipuite dinhmun a hmun ngeia enfiah tura lo kal an nih thu te a tarlang bawk. Pu Choudhury chuan state sorkar leh sorkar laipui te thawhhona tha tak hnuaiah rah tha leh duhawm tak a hrinchhuah ngei a beisei thu a sawilang bawk a ni.
High Power Team te hi Saiha atangin chawhnu dar 3:00-ah thlawkchhuak lehin Aizawl an let leh nghal a. Naktuk zing dar 9:00-ah Chief Minister leh Chief Secretary te nen inkawmna hun an hman zawhah Reiek leh a chhehvel khuate an pan ang a, Department hrang hrang hmalakna a hmuna tlawh an tum a ni.
High Power Team te Saiha-ah an tumin Saiha D.C. Pu Rodney Lalrinawma hovin sorkar officials engemawzatin an lo hmuak a, 15 Flagship programme leh NLUP kaihhnawih department hrang hrang te hmalakna leh hmachhawp ziahna bu Team Member te hnenah an pe a ni. Circuit House-ah chhunchaw an eipui zawhah National Rural Health Mission hmalakna te hrechiang turin Civil Hospital Saiha an tlawh a, OPD, Blood Bank/Laboratory, Integrated Counselling & Testing Centre (ICTC), Operation Theatre leh damlo awmna Ward te an fangkual a, Saiha Civil Hospital dinhmun leh harsatna an tawhte CMO hovin an sawiho. Hemi hnu hian Mara Autnomous District Council (MADC) Office an tlawh bawk a, MADC Office tualah CEM hovin ropui takin anmahni lawmna inkhawm hmanpuiin hnam lam hmuhnawm takte en entir a. MADC Office bula SSA Mission Office bakah Saiha New Colony Veng-a lei tlahniam laite an en bawk a ni.
MADC Office-a Programme an hmanna ah hian CEM Pu S.Khipo chuan Mizoram sorkarin NLUP puitham taka kalpui an tum mek chu Saiha District hmun kilkhawra cheng mipuiten Chief Minister chak tak hnuaiah beiseina sang tak nen an lo thlir tih a tarlang a. Multi-Disciplinary High power Team te hnenah chuan BADP, BRGF leh Village Resettlement chungchanga rawtna Representation an thehlut bawk a ni. Team hotu Pu S.N. Brohmo Choudhury pawhin thusawina hun hmangin an lo kal chhan te a sawifiah a, NRHM lama hmalakna dante chu tha tiin tam tak tih tur a la awm a ni, a ti a. NLUP chungchangah chuan thingtlang hmun kilkhara mite chawikan nana project a nih avangin a ram leh mipuite dinhmun a hmun ngeia enfiah tura lo kal an nih thu te a tarlang bawk. Pu Choudhury chuan state sorkar leh sorkar laipui te thawhhona tha tak hnuaiah rah tha leh duhawm tak a hrinchhuah ngei a beisei thu a sawilang bawk a ni.
High Power Team te hi Saiha atangin chawhnu dar 3:00-ah thlawkchhuak lehin Aizawl an let leh nghal a. Naktuk zing dar 9:00-ah Chief Minister leh Chief Secretary te nen inkawmna hun an hman zawhah Reiek leh a chhehvel khuate an pan ang a, Department hrang hrang hmalakna a hmuna tlawh an tum a ni.
Attachment
- Loading attachment...
