Nimin khan Champhai Hospital-ah HIV/AIDS veite enkawlna leh damdawi pekchhuahna tur ART Centre thar hawn a ni a. Hawnna inkhawm Dr. Biaksiami kaihhruaiah hian Mizoram State AIDS Control Society (MSACS) Project Director Dr. Eric Zomawia chuan a hawng a ni.
Hawnna thu sawiin Dr. Eric Zomawia chuan HIV/AIDS lo pung chho zel tih tlem kawnga hmalakpui turin kalkhawmte chu a sawm a, theihtawp chhuaha hemi kawngah hian hma an lak chhoh zel thu a sawi a. Tuna ART Centre hawn tak chu Champhai bial mipui tan a ni tih sawiin mipui mamawh dan a zirin full fledge-ah pawh hlankai theih tura ruahman a ni, a ti. MSACS hmalakna chikhat atan tunah hian district hrang hrangah Red Ribbon Youth Icon thlan mek a ni a, hei hi mipui ten a tam thei ang bera lo thlir thin turin a duh tih a sawi a. December ni 15 ah Grand Finale neih a nih tur thu leh he hunah hian Chief Minister chu Khuallian tura beisei niin Union Health Minister pawh rawn telpui tura sawm a ni tih a tarlang bawk. Kumthar tir lam khian tuna Youth Icon thlan ang deuh bawk hian Football Competition buatsaih leh tum a ni tih a tarlang a. Tun thla ni 17 atanga ni 21 inkar chhung khian Central lam atangin Mizoram a HIV/AIDS dona lama hmalakna an rawn enfiah dawn tih sawiin, hetianga hmalakna enfiah tur hian India rama state 5 thlan chhuah zingah Mizoram chu telh ve a ni tih a sawi a ni. HIV/AIDS do kawnga hmalakna lamah thurawn nei chuan engtiklai pawhin a hnenah thlen theih a nih thu te, inthlahrung hauh lova thurawn leh rawtna nei chuan a hnena thlen thin turin a chah bawk. HIV/AIDS do kawnga hmalakna chungchang sawiin Dr. Eric Zomawia chuan kan do te hi te hle mahse hneh har tak a ni a, chuvangin tha thlah hauh lova, thawhhona tha nena beih a tul tawh tak zet a ni, a ti bawk.
ART Centre chungchang sawitu Pu Lallianzuala, UNICEF Consultant chuan ART Centre hi kum 2007 khan Aizawl ah din tan nih thu sawiin, nikum khan mipui mamawhna avangin Champhai, Lunglei leh Kolasib a hawnbelh turin plan siam a ni a. Tunah hian hawn chhoh mek a ni, a ti a. He centre hi HIV/AIDS vei te mipui ten an thinhrik leh an endawngna laka thil pawimawh tak a nih rualin a veite pawh an dam rei zawk nan a pawimawh a ni, a ti. Tunah hian Mizoram ah HIV/AIDS vei hi mi 1000 ah 9 zel awm anga chhut a nih laiin a vei hmuhchhuah chu 4000 chauh an nih avangin hriat chhuah loh tam tak an la awm rin a ni, a ti. He Centre; enkawltu tur Dr. Zatluanga chuan an hmalak tawhna hrang hrangte tarlangin kum 2002 atanga kumin thlengin thisen 6743 test a ni tawh a, chung zingah chuan HIV hrik pai 303 leh AIDS vei 37 an hmuchhuak tawh tih a sawi a. Champhai atanga ART Centre pan thin hi mi 80 vel awm anga chhut a ni tih sawiin, tuna centre hawn thar a nih takah chuan mipui pawhin tangkai zawka an chhawr a beisei tih a sawi a ni.
Dr. Eric Zomawia leh amah tawiawmtute hian nimin tlai khan Champhai chhuahsanin Khawzawla riak turin an chhuk thla a. Vawiin hian Biate khuaah ICTC Centre thar an hawng zui leh dawn a ni.
ART Centre chungchang sawitu Pu Lallianzuala, UNICEF Consultant chuan ART Centre hi kum 2007 khan Aizawl ah din tan nih thu sawiin, nikum khan mipui mamawhna avangin Champhai, Lunglei leh Kolasib a hawnbelh turin plan siam a ni a. Tunah hian hawn chhoh mek a ni, a ti a. He centre hi HIV/AIDS vei te mipui ten an thinhrik leh an endawngna laka thil pawimawh tak a nih rualin a veite pawh an dam rei zawk nan a pawimawh a ni, a ti. Tunah hian Mizoram ah HIV/AIDS vei hi mi 1000 ah 9 zel awm anga chhut a nih laiin a vei hmuhchhuah chu 4000 chauh an nih avangin hriat chhuah loh tam tak an la awm rin a ni, a ti. He Centre; enkawltu tur Dr. Zatluanga chuan an hmalak tawhna hrang hrangte tarlangin kum 2002 atanga kumin thlengin thisen 6743 test a ni tawh a, chung zingah chuan HIV hrik pai 303 leh AIDS vei 37 an hmuchhuak tawh tih a sawi a. Champhai atanga ART Centre pan thin hi mi 80 vel awm anga chhut a ni tih sawiin, tuna centre hawn thar a nih takah chuan mipui pawhin tangkai zawka an chhawr a beisei tih a sawi a ni.
Dr. Eric Zomawia leh amah tawiawmtute hian nimin tlai khan Champhai chhuahsanin Khawzawla riak turin an chhuk thla a. Vawiin hian Biate khuaah ICTC Centre thar an hawng zui leh dawn a ni.
