Ruahman lawk anga Mizoram, Nagaland leh Tripura state-ah te a ruala Mega Mockdrill neih tura tih anih angin Vawiin khan Mamit khawpuiah Mega Mock Drill hlawhtling taka neih a ni.

Mamit District Disaster Management Plan in ruahmanna a lo siam tawh angin heng hmun pali 1. Field veng Bazar Building

2. Mamit Hospital

3. Govt Mamit College

4. Mamit Bazar vengah te hian lirnghing thleng anga lantir a ni a, zing dar 10-ah Siren tih rik niin Hmun hrang hrangah te hian lirnghing avanga chhiatrupna lo thlen thulh a, chetlak dan tur, hliamte rang taka chhanchhuah an nih theihna tur leh thihna tawkte felfai taka buaipui dan tur nunchan neih a ni.

Vawiin Mega Mockdrill- ah hian Mamit khawpui chhunga Department hrang hrang te chuan an mawhphurhna hrang hrangte hneh taka hlen a ni a, Hliam tuarte hi Mamit Hospital lamah rangtaka phurh chho nghal an ni a, chhanchhuahna hna hi State Disaster Responce Force (SDRF) 4th IR Mamit te chuan an thawk a ni. Hei bakah hian Department hrang hrang te chu chhanchhuahna hna thawk tur hian heng chhiatna thlennna hmun hrang hrangah hian an awm a ni.

He Mega Mock drill in  a tum ber chu Mamit khawpui chhunga mipuite Sensitized an nih theih nan leh chhiatrupna thil lo thlen thulhah mipuite chi-ai mai lova tih tur leh tih loh tur an hriat theihna atana lo inbuatsaih lawkna a ni.

Vawiin Mega Mockdrill neihna ah hian Incident Response System (IRS) dungzuiin District Emergency Operator Centre (DEOC) chu tih nun a ni a, Staging Area atan Mamit GSA Playground chu hman a ni. Mamit khawpui chhunga lirnghing hian  Mamit chhimlam New Diamond School bulah leh Mamit Bazar vengah te lirnghingin leimin a thlen avanga motor  tlan tlang theih loh chu PWD lam chuan an thianfai nghal a ni.

Vawiin Mega Mockdrill  neihna hmun hrang hrangah hian lirnghing vanga hliam tuar mi 38 leh mitthi 10 SDRF te'n an la chhuak a. Heng mitthi leh hliam tuarte hi Triaging ribbon hrang hrang, a sen, a eng, a hring leh a dum hrentir niin Ribbon sen hian Critically Injured entirin a eng hian Major Injury a entir a. A hring hian Minor Injury (working wounded) entirin ribbon dum hian mitthi a entir a ni. Vawiin Mega Mockdrill neihna hmun hrang hrangte mipuite tawiawmnaah District Disaster Management Authority (DDMA) chuan lawmthu an sawi a ni.

Mega Mock Drill kalpui a nih kawngah inenletna hun, duhkhawp loh emaw kan tihtur tih loh emaw kan tih loh tur tih a awm em tih sawihona DC Conference Hall, Mamit- ah neih zui a ni.