Vawiin khan National Disaster Management Authority, New Delhi leh Disaster Management & Rehabilitation Department huaihawtin Tourist Centre, Beraw Tlangah April 26, 2018 a Nagaland leh Tripura te rual a hman tur, Multi State Mock Exercise on Earthquake Disaster inbuatsaihna atan Table top exercise neih a ni.
He hunah hian Mizoram district hrang hrang ten lirnghing a lo thlen palh a, venhim leh chhanchhuah hna rang tak leh tha thei ang bera an thawh theih na tura an in puahchah lawk dan te thlir ho a ni a, April 26, 2018 a Multi State Mock Exercise neih tura khawtlang hruaitute leh sawrkar department hrang hrang ten chanvo an in sem dan tur te sawi ho a ni bawk. Fire & Emergency Services department, Health & Family welfare department, National Disaster Response Force leh 46th Assam rifles te hnen atangin chhiatrup thlen huna lo hmachhawn dan tur leh lo in puahchah dan tur te presentation hmangin thlir ho a ni bawk. National Disaster Management Authority ten he huanah hian Table top exercise te hmanpuiin Incident Response system buatsaih dan leh hman dan te an sawipui bawk.
Pu Lalrinliana Fanai, Commissioner & Secretary Disaster Management & Rehabilitation Department chuan he programme hi kaihruaiin, Maj.Gen.V K Dutta, Senior Consultant National Disaster Management Authority in he hun hi a hmanpui a, State Level leh District Level a Incident Response team, District Deputy Commissioner, Superintendent of Police leh Department hrang hrangte leh Tlawmngai pawlte an tel bawk a ni.
