No.937/2021-2022 

Aizawl, 12th June, 2021 : Dr Pachuau Lalmalsawma State Nodal Officer & Official Spokesperson on COVID-19 chuan Multisystemic Inflammatory Syndrome in Children (MIS-C) ni theia lang Synod Hospital, Durtlang-a hmuh chungchangah a hnuaia tarlan ang hian hma an lak zui dan a sawifiah.

Synod Hospital, Durtlang-a Senior Consultant Paediatrics  Dr John Malsawma hnen atanga Multisystemic Inflammatory Syndrome  in - Children (MIS-C) case a awm nia lang chung chang bawhzuiin vawiin (Dt 12.6.2021) chawhma lamah khan  Dr Pachuau Lalmalsawma leh Dr R.Lalrintluanga, State Epidemiologist, IDSP te chuan Synod Hospital, Durtlang an tlawh nghal a. Khun khan taka he natna chungchang hi   Dr John Malsawma, Senior Consultant Paediatrics hnen atanga belhchian a nih hnuah Multisystemic Inflammatory Syndrome  in Children (MIS-C) a ni theia a  lan avangin Emergency Medical Relief (EMR), New Delhi in an lo zirchian turin  Integrated Disease Surveillance Programme (IDSP) chuan vawiin vek khan MIS-C Report Form hmangin an report an thawn nghal a ni.

Multisystemic Inflammatory Syndrome  in Children (MIS-C) ni a lang hi mipa naupang kum ruk mi, Delhi atanga lo haw, June ni 4 a kawthalo leh khawsik vanga Synod Hospital, Durtlang a inentir, admit a nih hnua hmuhchhuah a ni a; tunah hian ziaawm lam panin hma a sawn chhoh zel thu dawn a  ni.

Multisystemic Inflammatory Syndrome  in Children (MIS-C) hi natna chi khat, a bik takin  naupang COVID-19 lo vei tawhteah a  awm ve  thin a. Taksa khawl hrang hrang - lung, chuap, thisen zam, kal, thluak, vun leh mit te he natna  hian a khawih buai thei a ni. MIS-C hi COVID-19 vei, dam tawhte ah a langchhuak thei a, hetiang a lo thlen hian COVID-19 hrik chu an taksaah a la awm reng tihna erawh a ni kher lem lo. 

MIS-C lanchhuah dan tlangpui : 
1)    Kum 19 hnuai lamah, ni thum aia rei khawsik reh thei lo.
2)    Pangti bawl.
3)    Kawthalo leh luak nasa.
4)    Pum na nasa.
5)    Mit sen rum.
6)    Chau ngawih ngawih.
7)    Thawhah nasa.

Multisystemic Inflammatory Syndrome  in- Children (MIS-C) MIS-C hi COVID-19 vei, dam tawhte ah a awm thin avangin COVID-19 kai/vei lo tura invenna  - mask vuah that, kut silfai leh sanitize bakah midang bula awm lohte chu tu te pawhin kan tih makmawh a ni.

Indian Academy of Paediatrics Intensive Care Chapter in a tarlan danin Multisystemic Inflammatory Syndrome  in Children (MIS-C) India ramah case 2000 chuang hmuhchhuah a lo ni tawh a ni. 


Attachment

  • Loading attachment...