No.4463/2021-2022
Aizawl, the 30th March 2022: Vawiin khan Mumbai Mizo Welfare te buatsaihin Chapchar Kut 2022 chu Sananil Banguets Hall-ah hman a ni a. He hun hi Tourism Minister Pu Robert Romawia Royte chuan khuallian niin a hmanpui a ni.

Tourism Minister Pu Robert Romawia Royte chuan Mumbai Zofate zawng zawng Chapchar Kut chibai bukin “Mizoram Sorkarin khawvel hmun hrang hranga Zofate insuihkhawm leh inpawhtawn zel a duh a,Covid hripui karah pawh Sorkarin state hrang hranga Zofate chu a theih ang angin a ngaihtuah a ni” a ti.Minister chuan Mumbai Mizo Association ten Covid harsat laia chhanchhuah hna an thawh dan chu ropui a tih thusawiin tun hmaa lehkha zirna ni thin Mumbai chu tunah chuan Mizote tan pawh eizawnna, hnathawhna leh chhungkaw chawmna hmun a ni tel tawh a. Zofate zawng zawng huikhawma Hnam tan rawngbawl zel turin MMA te a chah a ni. Mumbaia Mizo zawng zawngte pawh Kohhran leh MMA te bel tlat turin a chah bawk.

Kut Function hi Pu David Sinate,MMA President in a kaihhruai a. Kut Thlengtu Pu H.Lalruatliana,DRC pawhin thu a sawi a,Tv Laltlansanga Hauhnar,Gen Secretary MMA in report a pe a ni.Mumbai Mizo Association te chuan kut hmanpuitu Minister Pu Robert Romawia Royte hnenah hian Mizoram Sorkar laka an lawmthu an hrilh a,Minister Pu Robert Romawia’n Kut tanpuina sum fai a pek avangin lawmthu an sawi bawk a ni.

He Kut denchhen hian MMA hruaitu thar thlanna neih a nih bakah hun hlimawm tak PHEI CHHEH MAWI KHAI SESSION te neih a ni a,Mumbai Chapchar Kut Nula leh Tlangval thlanna neiin Zaithiam ten an awihlim reng bawk a ni.

Attachment

  • Loading attachment...