No.4462/2021-2022
Aizawl the 30th March, 2022 : Vawiin khan MP (Lok Sabha) Pu C Lalrosanga chuan Parliament House office-ah Road Transport and Highways Minister Pu Nitin Gadkari hmuin Mizorama kawngpui sial leh siamṭhat chungchangte a sawipui a. Hna kal mekte bakah Central Infrastructure Road Fund hmanga Mizorama hnathawh tur rawtte pawmpui thuai turin a ngen a ni.

MP (Lok Sabha) Pu Rosanga chuan CIRF hnuaia Sihhmui-Ramrikawn kawng cheng vaibelchhe 99 vel senga thawmṭhatna tur project pawh pawmpui turin Pu Gadkari chu a ngen a. Chief Minister Pu Zoramthanga hmalakna anga Durtlang Leitan-Sihphir kawng tihzauh leh siamṭhatna tur project pawmpuina Ministry of Road Transport and Highways-in vawiina a pechhuak ta chu lawmawm a tih thu a sawi a. Km 10 vela thui helai kawng siamṭhatna tur atan hian cheng vaibelchhe 46.57 CIRF Fund hnuaiah ruahman a ni.

Union minister hmuhnaah hian Minister of State for Road Transport and Highways, Gen V K Singh pawh a tel a ni.

Attachment

  • Loading attachment...