654/2022-2023
Aizawl, 27th May, 2022 : May 29 – June 4, 2022 inkara neih tur Mumbai International Film Festival (MIFF) ah Mizo film siam pahnih phochhuah a ni dawn.

Heng film pahnihte hi TC Vanlalzauva siam “This is Mizoram, travellers paradise (10 minutes)” leh Napoleon RZ Thanga siam “Hun Khirh (The uncertain years) 59 minutes” an ni a. “This is Mizoram, travellers paradise” hi June ni 1, 2022 ah phochhuah a ni ang a, “Hun Khirh (The uncertain years)” hi June ni 3, 2022 ah phochhuah a ni thung ang.