No.682/2020-2021

Health Minister dr. R. Lalthangliana chuan Mumbai Mizoram House a COVID-19 vei hmuhchhuah zinga pathum an thatchhuah tawh thu vawiina Medical Operational Team hmalakna thlirhona ah a sawi.

Health Minister chuan Mizoram House, Mumbai a damlo leh anmahni awmpuitu Mizo 7 bakah hnamdang house a thawk pakhat an vaiin mi 8 positive hmuhchhuah zingah positive case hmasa ber chu kar hmasa khan St. George Hospital atangin dam takin a chhuak tawh a, April ni 24 khan cancer vei COVID-19 positive pakhat Seven Hills Hospital-a enkawl mek pawh chu sample test a negative a, a ni la la a chhuak tura tih a nih laiin quarantine facilty chungchangah tihfel ngai a awm avangin a chhuak thei mai lo a, nizan khan damdawiin atanga chhuakin quarantine facility ah dah a ni, a ti a. Nimin vek khan cancer vei COVID-19 vei pakhat Nair Hospital a admit chu a sample test a negative avangin chhuah a ni a, quarantine facility ah dah a ni a, Mumbai Mizoram House ah Covid-19 positive hmuhchhuah mi 8 zinga 3 te chu an dam tha tawh a, midang la negative lo te pawh ngaihtuahawm an nilo a, an dinhmun a tha rih a ni a ti.