Vawiin khan Urban Development & Poverty Alleviation Department huaihawtin Vanapa Hall-ah Municipal Council chungchang sawi hawnna hun hman a ni a. Mipui te hriat tur thil pawimawh chi hrang hrang inhrilhhriat na neih a niin zawhna leh rawtna hrang hrang te chhan leh ngaihthlak nan hun hman a ni.
Secretary UD&PA, Pu P. Lianhrima chuan Municipal tobul leh kalphung tlangpui sawiin Aizawl khawpui thang chak tak chu fel zawk a inrelbawl a nih theih nan leh mumal taka inkaihhruai a nih theih na turin sorkar laipui 74th Amendment Act in a phut angin Municipal Council chu Aizawlah din tura hmalak a ni tih a sawi a. Municipal chu khawpui mahni a ro inrel, mipuite rorelna awmze nei taka kengkawh chunga khawpui enkawl leh mipuite hamthatna pe tur a mawhphurhna nei a nih thu a sawi a ni.
Aizawl Municipal Council Chief Executive Officer, Pu R. Sangliankhuma chuan Aizawl Municipal Council chungchang sawifiahin Aizawl khawpui chu Ward 19 ah then niin Municipal Council hnuaiah hian Ward Committee siam a ni anga, Ward Committee hnuaiah hian Local Council engemawzat siam a nih tur thu a sawi a. AMC a thuneitu chu Board of Councillors an ni ang a, Chairman, Vice Chairman leh Executive Councillors ten kaihruaiin Municipal hnuaia Executive thuneihna chu an kutah a awm dawn a ni, a ti. Hmeichhe tan a hmun thum a then a hmun khat AMC a seat hauh sak pawh India danpui 74th Constitutional Amendment Act in a phut anga tih a nih thu a sawi a ni.
Municipal kalphung sawihona hi Pu P.Lalchhuanga Director, UD&PA in a kaihruai a. YMA, MHIP, MUP leh pawl hrang hrang aiawh te bakah political party hrang hrangte leh mi thahnem tak an tel a ni.
Aizawl Municipal Council Chief Executive Officer, Pu R. Sangliankhuma chuan Aizawl Municipal Council chungchang sawifiahin Aizawl khawpui chu Ward 19 ah then niin Municipal Council hnuaiah hian Ward Committee siam a ni anga, Ward Committee hnuaiah hian Local Council engemawzat siam a nih tur thu a sawi a. AMC a thuneitu chu Board of Councillors an ni ang a, Chairman, Vice Chairman leh Executive Councillors ten kaihruaiin Municipal hnuaia Executive thuneihna chu an kutah a awm dawn a ni, a ti. Hmeichhe tan a hmun thum a then a hmun khat AMC a seat hauh sak pawh India danpui 74th Constitutional Amendment Act in a phut anga tih a nih thu a sawi a ni.
Municipal kalphung sawihona hi Pu P.Lalchhuanga Director, UD&PA in a kaihruai a. YMA, MHIP, MUP leh pawl hrang hrang aiawh te bakah political party hrang hrangte leh mi thahnem tak an tel a ni.
