Vawiin chawhma dar 11 khan 5th I.R.Battalion Recruit Constable mi 125-te chuan Mualvum-a 1st I.R.Battalion Hqrs. Parade Ground-ah chawlhkar 45 chhung training an neih hnu in Passing out Parade an nei. Hetah hian Pu Hmingdailova Khiangte, MLA, Chairman Mizoram Youth Commission chu khuallian a ni.

Pu Hmingdailova Khiangte chuan Police Training chhuakthar te hnenah thuchah sawiin kum 30 zet a lo thawh tawh na Deptt.a thawk tur sipai lawmlut tu a ni chu vanneihthalk a tih thu a sawi a. Police puitling, ram leh hnam tana rintlak leh chhenfakawm ni tura chherchhuah in nih ang ngei in hmangaih na leh dawhtheihna leh khawngaihna thinlung pu chunga ram leh mipui tana rawngbawl tur in ni a ti.

Pu Hmingdailova Khiangte chuan Police training chhuakthar te chu chhechhama an thutiam hrereng turin a chah a; ram leh hnam tan anih chuan kan nunna hial in a tuar dawn anih pawh in hotute thu kan awihtur a ni a ti a. Sipai-ah pawh ralthuam keng sipai-te hi an hah deuh bik in a langa, nimahsela Armed Police-ah hian in thununna a tha a chuvang chuan kan taksa leh kan rilru pawh a hrisel bik thin a ni a ti. Pu Hmingdailova Khiangte chuan Police hna hi eizawnna emaw mihring man hna ringawt ah a zo lova, mipui te harsatna hriat a chinfelsak thlengin mawhphurhna a ni tih kan hrereng tur a ni. Mizoram sorkar chu Police-te hamthatna tura a in huamzau thu sawi langin, Police-te pawh in rinawm takin sorkar kaihza ven hna kan thawh a tul bawk a ni a ti a. Kan ram hmasawnna leh thatna turah sorkar hnathawk chauh nilovin mipui mimir pawhin kan theihna zawn theuh ah sorkar tawiawm turin in pe thar leh ang u Pu Hmingdailova Khiangte chuan a ti bawk.
    

5th I.R.Battalion sipai vawiin a Mualvum atanga Passout-ta te hian ni 15 October, 2008 khan training an nei tana, an training tawpa exam nei in mark 100/50 hmu chin te chu training zo a puan an ni. Mi 136-in training an nei a, an zinga mi 2-in training an bansan a, mi 1 chu ban a ni a, mi 8 dangte erawh chuan exam an hmachhawn nawn leh dawn a ni tih Pu Dingluaia, MPS Commandanr 1st I.R.Battalion chuan a sawi. Pu Hmingdailova Khiangte hi Aizawl atangin Pu Saizela, IPS, DIG (Hqrs.) leh Pu Robert Thangmawia, U/S Mizoram Youth Commission-ten an tawiawm a ni.