Aizawl khawpui  chhung MUP  Lengkhawmzai  intihsiak-2018 chu  Vanapa Hall ah  Pu Sangdingliana Secretary,Art & Culture Department chuan a titha te hnenah lawmman a sem.

Hetiang programme hlimawm leh hnam zai chawisanna tha tak  duangchhuaktu Art & Culture Department te hnenah lawmthu sawiin khuallian  Pu Sangdingliana chuan  MUP member kalkhawm te  an hmuh a nuam  a.Bible in a sawi angin lu var vau mai awmkhawm han hmuh te hian  a thlamuanawmin  an zahawm em em a,Pathian malsawmna hlu tak a ni ati.

Kan hnam lam  Cheraw te pawh a  lam dan hrang hrang siksawi chhovin style hrang mawi takte duan chhuah a ni a,kan hnam zai – lengkhawm zai kan tih te pawh hi  thangchho zel thei a ni tiin  Art & Culture Secretary chuan  MUP te chu heti lam hawia tan la zel tura fuih in ,  an rilru leh taksa te chu  inenkawl tha tur leh an hriselna te ngai pawimawh tura chah in  an damkhua hrui ang lo sei a,midang te tan leh thangthar te  chherchho tu leh   malsawmna ni  zel tur in  duhsak a hlan ani.

Pu R Hmingthanzuala Director,Art & Culture  Department kaihhruai vawiin programme ah hian Pu J Thanglura Gen.Secretary MUP General Headquarter thusawi leh  report ngaihthlak a ni a. .Pu Lalhuapzauva Vice President MUP General Hqrs in kalkhawmte hnenah lawmthu a sawi a ni.

Pi Carol VLMS Dawngkimi Joint Director  in Result  hetiang hian a puang a,lawman te sem zui nghal ani.
Khuang pu  tha ber – Khuangpui = Pu Vanlalchhuanga Hlimen Branch
Khuang pu tha ber – Khuangte   =  Pu Lalzuiliana   Hlimen Branch
Hla hril thiam ber –Pi Lalremruati Sailo Chawnpui Branch,Aizawl
Inzaisiak a lawman dawn dan =
Ist prize  = Bungkawn Branch,Aizawl West 111 Area
2nd prize =  Chawnpui Veng,Aizawl West 11 Area
3rd prize =  Hlimen Branch, Aizawl South 111 Area.

Intihsiaka tel Branch dang zawng hnenah Consolation prize pek an ni bawk.MUP Zaipawl intihsiak ah hian  Branch 14 an tel a,member tel zawng zawng  chu 818 an ni a.Bawngkawn atangin member 80 telin member kal tam ber lawman  an dawng ani.