No.2995/2021-2022

Aizawl 15th November, 2021 : Mizo Upa Pawl, Lunglei town area branch member te chuan vawiin khan Faina Hnathlang pui neiin veng hrang hranga member te an thawk chhuak a ni.

Lunglei DUDO & Member Secretary, Lunglei Sanitation Task Force Pi Vanthangpuii chuan faina, hriselna leh thianghlimna chungchang mipuite zirtir kawnga thahnemngaia thawh hlawk em em thin tu Mizo Upa Pawl, Lunglei te chungah lawmthu a sawi a. MUP te hmalakna zahawm tak entawnin thalai zawk te pawhin faina leh thianghlimna kawngah tan an lak zual sauh a beisei thu sawiin Faina intihsiak chhung chauh ni lovin, kum tluana faina kalpui a, nunpui turin District mipuite a sawm a ni.