No.2994/2021-2022

Aizawl 15th November, 2021 : Tunhnaiah Reiek khua ah Covid-19 hri kai thar engemawzat hmuhchhuah an ni a, heng mite hi an hri kaina chhui fel mai theih a ni lo a. Chuvangin, Reiek khaw chhungah Covid-19 hri darh zel tur ven nan leh he hrileng laka Reiek khaw mipuite an lo him zel theih nan thupek chhuah a tul nia hriat a ni a.

Chuvangin, Pu Lalfakzuala, Addl. District Magistrate, Mamit District chuan Cr.PC Sec.144 in thuneihna a pek angin a hnuaia mi ang hian khapna thupek a chhuah a ni.

*Reiek khaw chhungah zan dar 6:00 PM atanga zing dar 4:00 AM inkarah pawn chhuah khap tlat a ni*

He thupek hian a hnuaia mite hi a huam lovang :

1. VLTF member-te an duty na avanga chhuah ngai te.
2. Army, BSF, AR, BRTF, CRPF duty, Prison duty te leh Exise & Narcotics Deptt. enforcement duty te.
3. Magistrate, Police duty leh Home Guard duty.
4. Health Department- a thawktu Doctor, Nurse, OST centre, ART centre, Blood bank, Lab. Technician leh thawktu dang night & emergency duty te leh damdawi dawr nghaktute.
5. Chanchinbumi leh Electronic Media a thawkte.
6. Fire & Emergency service duty te, P&E Deptt. leh PHE Deptt. hnuaia night & emergency duty te.
7. Medical emergency/damlohna thil leh chhiat tawkte - VLTF phalna nei te.
8. Essential commodities phur leh Home Deptt. atanga phalna nei te.
9. Disaster Management buaipuitu official te.
10. Telecom service a thawktu te.
11. AH & Vety Deptt.-a vawk hri leng buaipuitute.
12. District Magistrate- in phalna a pek te.
13. Reiek chhehvel khua pan turte tan kawngpuiah ding khawmuang lo a lirthei tlan tlang phal a ni.

He thupek bawhchhiate chu *Section 188, IPC* hmangin hrem an ni ang. He thupek hian chhuah a nih Dt. 14.11.2021 atanga kar 2(hnih) chhung a huam ang.