Mizoram State Museum, Art & Culture Department buatsaih Museum Week, February 22 - 26 February, 2016 (thawhtan atanga zirtawp) chhunga hman chu vawiin khan khar a ni a. Museum Week chhung hian Museum hlutna leh pawimawhna mipuiten an hriat theihnan Museum chu mipui tan man lova hawn a ni a. Museum Week hman chhung hian zirna in panga ICFAI, RIPANS, NIELIT (DOEACC), MFM School of Nursing leh Laithangpuii School of Pharmacy leh Diet, Aizawl te a bika sawm an ni a, Museum Week hman chhung hian museum entu mi 3015 an awm a ni.

Mizoram State Museum hi Ethnological leh Anthropological museum a nih rualin thil hlu leh pawimawh hrang hrang dahkhawmna Multipurpose Museum a ni a. Gallery 6 (paruk) - History & Mineral Gallery, Zoology Gallery, Anthropology Gallery, Ethnology Gallery leh Textile Gallery-te an awm a, Textile Gallery kawtah Archaeological Gallery dah a ni bawk. Gallery tina show case hrang hrang 107-ah Museum Objects 723 pho chhuah a ni a, reserve collection room hran siam niin reserve collection-ah Museum Objects 3034 dah that a ni. Museum-a objects lakkhawm zawng zawng hi 3757 lai a tling tawh a ni.

Attachment

  • Loading attachment...