Mizoram State Museum, Art & Culture Department-in ni 21-25 January, 2019 chhunga Museum Week an hman chu vawiin khan khar a ni. 

Museum Week hmang tura a bika sawm Aizawl khawpui chhunga College 5, high school 3 leh middle school 2-te a zirlaite leh zirtirtuten Museum Week hi an hmanpui a, School tam tak atanga zirlaite leh zirtirtuten an zirlai puitui atana Museum hmangin an rawn tlawh bawk. 

Museum Week hi mipuiin an hlut hle a, Museum Week chhung hian Museum tlawhtu mi 9963 an awm a, nitinin tlawhtu mi 1990 vel nei ang an ni. 

Mizoram State Museum, Art & Culture Department chuan Museum hlutna hre thara Museum rawn tlawh thin turin  mipuite a sawm a. May 18 International Museum Day-ah Museum hi mipui tana en man awm lova hawn a ni leh ang.