2349/2024-2025

October ni 2, 2024: Sorkar laipuia Panchayati Raj Ministry ruahman anga Peoples Plan Campaign for Gram Panchayat Development Plan 225-2026 neih mek a ni a. Tlangnuam RD Block hnuaiah pawh vawiin khan Muthi khua ah hemi pual hian hun hman a ni.

He Special Gram Sabha ah hian he ni puala LAD Minister Pu C. Lalsawivunga thusawi ngaithlak a ni a. He People's Plan Campaign, tualchhung hmasawnna atana ruahmanna hrang hrang siam tura insawmna hunah hian inzirtirna pek bakah kum upa te chawimawina hun te hman a ni.

Local Administration Department (LAD) Secretary Pi Teresy Vanlalhruaii chuan vawiin hun hi a hmanpui a. Thu sawiin Gram Sabha pawimawhna leh India ram danpui in tualchhung in relbawlna a ngaih pawimawh thu te leh mipui te tih tur te a sawi a ni. Special Gram Sabha neih chhan te a sawifiah a  Social Development Goal hnuaia tih hlawhtlin tur, theme 9 te sawifiahin, khaw hmasawnna tur ngaihtuahna ah Mipui kal khawm rorelna a lal ber thu sawiin, khawtlang hmasawnna tur ruahmanna siam naah naupang atanga puitling, hmeichhia te nen kan vaia kan tel a ṭul thu leh heng ruahmanna hi mitin huap zo tur a nih zia kalkhawm te a hrilh a, LAD chu khaw mipui te tan an in hawn reng thu a sawi bawk.

He hunah hian  Dr. VT Jalajakumari, Regional Director, IGNOU Regional Centre, Aizawl hnen atangin thusawi ngaihthlak a ni bawk a. Muthi khua ten IGNOU hi tangkai thei ang bera chhawr turin a chah bawk a ni.

Khawtlang inrelbawlna hmanga hlawk zawk leh awmze nei zawka mipui hamthatna tur ruahman a, khawtlang leh mipui tana hmasawnna ngelnghet zawk thlen a nih theih nan a Gram Panchayat Development Plan (GPDP), Localization of Sustainable Development Goals (LSDGs) leh Sankalp chungchang inzirtirna te, Panchayat Development Index (PDI) leh hmasawnna daltu nia langte hriatchhuahna kawnga hman tangkai dan te inhrilhriatna neih a ni a. Dr. H. Rosangpuia, Core Faculty, SIRD & PR, Mizoram atangin zirtirna hi pek a ni.

Vawiin programme-ah hian kalkhawm ten Faina chungchangah te, Ruihhlo chungchangah te, Hriselna chungchangah thuthiam (pledge) an la a. A bikin thalai ten  kum upate hmathlir tihhlawhtling tura intiamna an nei bawk. Kum upa pahnih Pi Thangthuami Kum - 90 leh Pu Lianchhunga ten thing ṭiak an phun a. Special Gram Sabha hi Pu, Kaphmingthanga, VCP in kaihruaiin, khawchhunga kum upa pahnihte hnen atangin Muthi khaw chanchin ngaihthlak a ni bawk. Gram Sabha ah hian kum 75 aia upa mi 25 (Mipa 9 leh hmeichhia 16 ) te chawimawina thilpek hlan an ni.

Pu Robert Vanlalnghaka, APO Tlangnuam R.D Block in Special Gram Sabha meeting khaikhawmna neiin mipui leh official lo kal te hnen ah lawmthu sawiin hun a khar a ni.