Vawiin khan Mizoram Veteran Multi-Purpose Cooperative Society (MVMCS) chuan 39 Assam Rifles Cinema Hall-ah general body meeting an nei. Meeting-ah hian Parliamentary Secretary Lt.Col.ZS.Zuala leh Parliamentary Secretary Capt.H.Khiangte te an tel a ni.

MVMCS Secretary Sub.Darromawia leh Treasurer Capt. RL Ngurchhuana te'n report an pe a. Aizawl khawpui chhungah member 1040 awmin Aizawl khaw pawn ah member 403 an nei a. Co-operative Society ah hian mimal share khat nei member 802, share 2-4 nei member 161. share 5-9 nei 336 leh share 10 leh a aia tam nei 144 an awm.

Col. John Zama, S.M kaihhruai general body meeting ah hian Parliamentary Secretary pahnihte bakah ACRC aiawh ten thu an sawi a. Zawhna leh chhanna hun hman a ni bawk. Hony Capt.Ngura Sailo, Vice Chairman, MVMCS chuan lawmthu sawiin hun hnung a khar a ni.