Vawiin chawhma khan SCERT Auditorium-ah Proficiency Award in English lawmman hlanna leh Poetry Writing Festival neih a ni a. He hunah hian Pu F. Lianhmingthanga, Chairman, MBSE chu Khuallian niin, Pi Laldawngliani Chawngthu, Director,SCERT chuan he hun hi a kaihruai a ni.

Poetry Festival hi kum 2011 atanga tan niin, zirlaite tan on-the-spot poetry writing competition neihpui thin a ni a. An poetry ziah kaihruai tur hian kum tin theme/thupui thlan a ni a, kumin theme 'My Dream for Mizoram' hi Pu Lalnghinglova Hmar, Honarary Secretary, MFA in a sawi hawng a ni. Kumin hian Higher Secondary School 15 atangin zirlai 53 leh High School 12 atangin zirlai 37 an tel a ni.

Proficiency Award in English hi kum 2011 atang thova tan a ni a. HSLC leh HSSLC Examination-a English subject-a mark hmu sang 3 (top three) te hnenah Certificate leh pawisa fai pek thin an ni. Nikum thleng khan zirlai 209 in he lawmman hi an lo dawng tawh a, kumin hian HSLC Examination 2018-a zirlai 5 leh HSSLC Examination 2018-a zirlai 20-te hnenah lawmman hlan an ni.