Vawiin khan Kolasib DC Conference Hall ah ‘My Project, My NEDP – Mipui Mamawh Inṭawm Ruahmanna (MiMIR)’ chungchang ngaituahin District Level MiMIR Committee Member Secretary Pi Marilyn Rualzakhumthangi hoin an thukhawm.

Thutkhawmah hian Kolasib District ah Concept Paper 28 a lut tawh tih tarlan ani a, concept paper siam a theluh nan hun hun bituk July ni 16 thlenga thehlut te chu pawmsak an ni a. District Level MiMIR Committee chuan a titha zual 10 emaw 20 (Concept paper luh tam dan a zirin) an thlang chhuak anga heng ho hi District Level MiMIR Committee hma ah power point presentation hmangin an concept paper sawi zauna hun an hmang anga, heng ho zinga thaber hi July ni 31 hma in Planning Department ah thehluh sak an ni anga, Planning Department in Detail Project Repot (DPR) an siamsak dawn a ni.

‘My Project, My NEDP – Mipui Mamawh Inṭawm Ruahmanna (MiMIR)’ hnuaiah hian mipui/khawtlang mamawh intawm siam/sak dan tur ruahmanna (concept paper) siam tur ani a. Ruahmanna (concept paper/proposal) chu Scheme emaw Department hnathawh a tel lo / chhunzawmna nilo (entirnan kawngpui zauh/siam emaw tui connection), khua/veng mipuiten an hlawkpui theih tur si mamawh intawm ruahman a bikin mipui ei leh bar lama intodelh na lam hawi ani tur ani. MiMIR Project hnuaiah hian cheng vaibelchhe 8 dah niin District tin tan cheng vaibelchhe 1 theuh ruahman ani a. District huam chhunga khua leh veng hrang hrang ah MiMIR Village level Jt Committee (VC/LC Member,MHIP,MUP,YMA) hmalakpui na hnuaiah concept paper hi siam tur niin veng/khua titha ber khan mahni veng/khua mipuite mamawh intawm hmasawnna ruhrel (infrastructure) mipui ei leh bar intodelh lam hawia din/sak/siam nan cheng vaibelchhe 1 an hlawh dawn a ni. A siam/sak/din chungchangah hian Implementing Agency chu Joint Committee (VC,MHIP,MUP,YMA) an ni ang, technical assistance pek a tulna ah Project ina a kaihhnawih Department chu ruat an ni a.  MiMIR Project ina a tum zinga thil pakhat chu mahni veng/khua mamawh intawm te chu a ruahmanna kawnga Sawrkar hotu lu lam atanga in chungtlak (Top-Down Approach) tih tlem/kiam (minimise) ani a a khawtlang leh a khaw mipuite mamawhna hre chiangtute thuneihna pek tam (Bottom up Approach) ani.

Thutkhawmah hian Kolasib Sub-Hqrs YMA, MHIP, MUP leh Kolasib District huam chhunga VC member hrang hrangte an tel a ni.