No.7880/2020-2021

Aizawl, 22nd March, 2021: Chief Minister Pu Zoramthanga chuan tukin khan Myanmar raltlante chungchangah Voice of America News, Washington DC nen inkawmin, USA Chin Churches Leaders-te nen inkawmna a nei bawk.

Chief Minister chuan Myanmar ram chu ralmuang taka mipuiin nun ralmuang leh nunphung pangngaia an let leh theih a duhsakna leh beisei thu a sawi a. Tuna buaina an tawh avang sahimna zawnga Mizoram rawn lut te lo tuamhlawm chu kan mihringpui an nihna atanga kan tih ngei tur a nih thu a sawi bawk a. Hemi chungchangah hian sawrkar laipuiah pawh thu thlenin, Delhi-ah palai a tirh thu te a sawi a. Chutihrual chuan ram pahnih inlaichinna chu sawrkar laipui chan a nih avangin state malin a duh thua ruahmanna siam theih thil a nih loh thu a hrilh bawk.

Chief Minister hian nimin (22.3.2021) khan Pi Zin Mar Aung, National League for Democracy sawrkarna hnuaia  Union Minister of Foreign Affairs chelhtu nen an lo inkawm tawh bawk a ni.