Chhimtuipui lui kaltlanga Lawng hmanga India leh Myanmar insumdawn tawnna hmun tur, Mizoram leh Myanmar inrina, Lawngtlai District chhung Zorinpui hmuna Land Custom Station dinna hmun atana ruahman en tura lokal Myanmar palai 8 te chu, an Leader U Tun Htay, Port Officer, Rakhine State hovin tukin zing dar 8:00 khan Mizoram an rawn lut a, Champhai-ah chawl lovin Lunglei an pan ding nghal. Myanmar Delegates te hi DIPRO, Champhai Pi K. Laldingliani,  Dy. SP Pu Zothlamuana leh SDC Pu Lalfakzuala MCS ten Zokhawthar-ah an lo dawngsawng a, Indo-Myanmar Border Trade Township, Melbuk ah Melbuk khawtlang ten pangpar thi an lo awrhtir bawk a ni.

Myanmar Palai lokal te chu : 1. U Tun Htay, Port Officer Rakhine State (Leader) 2. U Nyan Lin Myint , Director M/O Progress of Border Areas & National Races 3. U Zaw Min Thein Dy. Director Customs Deptt. Rakhine State 4. U Khin Maung Myaw Dy. Director, GAD, Rakhine State 5. U Kyaw Soe Win, Asst. Director, Sittwe Border Trade 6. U Myint Thein Win, Asst. Director, M/O Foreign Affairs 7. U Soe Lwin, Asst. Engineer, Road Transport (Construction) 8. U Thet Naing, Staff Officer, Immigration & National Reg. Dept.

Programme ruahman lawk dan chuan Myanmar palaite hi zaninah Lunglei-ah an riak ang a, naktuk thawhleh-ah Lawngtlai-ah an riak leh ang a, tunkar Nilaini (April 25, 2012) ah India palai te nen Zorinpui-a Land Custom Station dinna hmun tur atana ruahman an thlir ho ang. April 26 ah Aizawl-ah an lut ang a, Chief Minister in chawhlui a lo buatsaih sak dawn a ni.