Cricket Association of Mizoram (CAM) in vawiin khan an President Pu Lal Thanhawla, Chief Minister chu a chenna bungalow-ah hmuin, inkawmna hun tha tak an nei.

Inkawm hona ah hian Pu Lal Thanhawla chuan New Delhi a cham chhunga Board of Cricket Control of India (BCCI) Vice President Arun Jaitley nen an inkawmna thuchhuakte CAM hruaitute hi a hrilh a. Arun Jaitley hi affiliation chungchanga Chairman anih angin, Chief Minister hian CAM hi BCCI ah in affiliate dan lo ngaihtuah sak turin a ngen a, CAM tobul leh hma alo lak tawhna zawng zawngte chipchiar takin Arun Jaitley hi a hrilh a ni. Affiliation an neih thuai theih nan Chief Minister chuan Delhi a kal leh hmasak berah BCCI hotu dangte pawh kawm kual a tum thu CAM hruaitute hi a hrilh bawk a ni.