557/2022-2023
Aizawl the 20th May, 2022 : Vawiin khan Health Minister Dr.R.Lalthangliana chuan Myanmar Refugee Relief Committee, Mizoram hruaitute hnenah tanpuina a hlan a. Hlanna programme tawi hi Directorate of Health Services Office-ah neih a ni a. Health Services Director Dr.Zepuii leh officer dang ten Minister hi an tawiawm a ni.

Dr R.Lalthangliana chuan Myanmar ram buai tirh atangin Mizoram Chief Minister Pu Zoramthanga chuan “Kan unau harsatna tawk te kan hlamchhiah thei lo” a tih chu Sawrkarin a bawhzui a. Dan leh dun ang takin engkim kal thei lo mah se, intanpui dan leh inngaihsak dan a awm chho zel a ni, a ti a. Tun tumah hian refugee camp hrang hranga mamawh zual pui sanitary pads, face mask leh sanitizer thahnem tak chu Health Directorate hmalaknain refugee te tan pek an nih thu a sawi.

Programme tawi hman zawh hnu hian MRRC hruaitute chuan Health Minister hovin meeting an nei zui nghal a. MRRC hruaitute hian raltlante mamawh hrang hrang Minister hnenah hian an thlen a ni.