1680/2025-2026

Aizawl the 1st October, 2025 : Vawiin chawhma dar 10:30 khan MYC Coaching Centre Class Room 1, MINECO ah Crash Course for BSF Written Exam kalpui tan a ni. Class tan hma in Course hawnna hun tawite hman a ni a, he hun hi Pu Malsawmzuala Ralte, Chairman MYC in a hmanpui a ni.

Pu Malsawmzuala Ralte chuan, “ BSF hnalak kal mekah MYC chuan Mizo thalaite tan kan tih theih ang ang tih ve kan duh a, Crash Course kalpui ve ni se tiin kan rel a, he hun tha hi hmang tangkai a, tlinpui ngei turin ka duh che u a ni. Kawng kan kawhhmuh tur che u hi 20 % vel a ni anga, a bak 80% chu inkutah a awm a ni” ati. Chairman chuan ‘He hnaah hian in lo anih chuan kawng engkimah a tha ber nih tum thin turin taihmak chhuah ula, Pathian hre reng chungin kan ko a tlate thawh kan tum dawn nia. Kan thawhchhuah ang angte Nu leh pater tan a tangkai turin sum leh paite thawn nachang hriat ngei ngei tur a ni. Tin, he hnaah hian tling lo anih pawhin hnathawh tur in ngaihven duh anih phawt chuan MYC chu kan inhawng reng a, MYC lam lo hawi zel ang che u ati bawk.

He Crash Course offline leh online mode a kalpui niin Classroom (Offline) ah mi 35 laiin class an rawn kal thei a, Aizawl district pawn lam atangin (Online) mi 35 in class hi an rawn chhim thei bawk a ni. Crash Course hi ni 1-15 October,2025 thlengh kalpui tur a ni dawn a ni.

Tukin zing atang khan MYC chuan Mizoram Civil Service (Combine Competitive Exam) Coaching Class a kalpui tan a, Course hi thla 8 chhung kalpui tur niin May 2026 ah Course hi zawh tur a ni ang.