No.1483/2020-2021

Dr. Vanlaltanpuia. Chairman, MYC & Vice Chairman, H&TE Board, Lunglei North bialtu MLA ni bawk  chuan a bial chhung khaw thenkhat leh quarantine centre te nimin khan a tlawh

Dr. Vanlaltanpuia a chuan  bial chhung Quarantine centre pathum, DIET, Melte, Tourist Lodge (Zotlang) leh Eklavya Residential School (Pukpui) te a hmunah tlawhin, medical team, Force lam leh thawktu dangte kawmin an hnathawh dan leh harsatna neihte sawipuiin ruahmanna a siampui a, duty te in tur tui a hlan bawk.

Official lam te uluk leh fimkhur taka an duty te hlen turin a chah a, harsatna an neih angte a hnen a thlen turin  a hriattir a, thawktu te duhsakna a hlan bawk.

Tin, duty te pawhin a hmun ngei a bialtu MLA an harsatna a enpui leh  a tlawh leh a vangin lawmthu an sawi a, sawrkar lamin a ngaihsak avangin lawmthu an sawi bawk, tun di hmunah chuan harsatna lian tham an neih loh thu an sawi bawk.

Tin, MLA hian Serkawn indoor stadium tlawh nghalin, Badminton court-a carpet  rang taka phah a nih theih nan  hmalak a nih nghal tur thu a sawi bawk..

Tin, Bialtu MLA hian Pangzawl to Aizawl Via Four lane laih mek chu a hmunah tlawhin, hnathawktu te chu uluk leh tha taka hna kalpui turin a hriattir bawk. He kawng laitu, NHDCIL manager nen inkawmna an nei a ni.