No.2386/2020-2020

Lunglei the 24th, June, 2020: Vawiin khan Dr. Vanlaltanpuia, Chairman, MYC leh Lunglei North bialtu MLA ni bawk chuan a bial chhunga Covid-19 Quarantine Facility Centre te tlawhin an dinhmun leh harsatna an neih te a hmun ngei ah a hriatpui.

Dr Vanlaltanpuia hian Lunglei District a Covid- 19 positive leh rinhlelhte enkawlna leh dah hranna hmun Dedicated Covid Health Centre (DCHC)- ETC, SIRD&PR, Pukpui chu tlawhin, helai hmunah hian mi 4 (mipa 2 leh hmeichhia 2) enkawl lai mek an awm a. Dr Vanlaltanpuia chuan Lunglei District a Covid - 19 positive hmuhchhuah enkawlna hmasaber a enkawl tura inpe frontline worker medical team , official leh security te inpekna chu fakawmin a chhuang tak zet a ni, a ti. Dr. Vanlaltanpuia hian DCHC, SIRD&PR, Pukpui ah hian PPE set 20 a pe a ni.

Hemi hnu hian HATIM, Pukpui Quarantine Facility Centre a awm mi 47(mipa 28 leh hmeichhia 19) te tlawh lehin Jawahar Navadaya Vidyalaya Quarantine Facility Centre a mi 58(mipa 24 leh hmeichhia 34) awmna tlawh leh in DIET, Melte Quarantine Facility Centre a mi 43 (mipa 23 leh hmeichhia 20) awmna a tlawh bawk. Quarantine Facility centre ah te hian Mask, Gloves, Hand Sanitizer leh tui in tur a pe a ni.

Dr. Vanlaltanpuia hian a bial chhung Pukpui, Zotlang, Serkawn leh Zohnuai VLTF te pawh tlawhin Covid - 19 khawvel pumpui in a mangan pui laiin Mizoram ah chuan mi tlawmngai leh thawh hreh neilo VLTF-te kan nei hi kan vannei takzet a ni tiin an inpekna leh thawhrimna avangin an chungah lawmthu a sawi a. Dr. Vanlaltanpuia hian Mask, Glove, hand sanitizer leh disinfectant thahnem tak a hlan bawk a ni.