No.1073/2020-2020

Mizoram Youth Commission (MYC) Chairman, Lunglei North AC bialtu MLA Dr Vanlaltanpuia chuan vawiin khan a bial chhunga Serkawn Veng Hall sakna hmun tur tlawhin khawtlang hruaitute leh official-te ruahmanna a siam pui.

Dr Vanlaltanpuia chuan mipuite mamawh hmasawnna ruhrel ruahman turin sawrkarin theihtawp a chhuah mek zel thu sawiin Serkawn Veng Hall thar sak tur hi UD&PA Department kaltlanga hnathawh a nih tur thu a tarlang a. He RCC structure hall sakna tur hian cheng nuai 100 ruahman niin hna tan thuai tum anih thu a tarlang bawk.

Tin, higher and Technical Education Board Vice Chairman a nihna angin Mizoram University Southern Campus hmun tur Mausep, Pukpui ram ruahman fel turin nimin khan Revenue Department leh Pukpui VC-te meeting a neih pui thu a sawi a. MZU Southern Campus tur hi teh fel a ni veleh Higher Education Funding Agency(HEFA), Government of India, Ministry of Human Resources Development, Delhi ah thawn nghal a ni anga, an ni hian sum an rawn pe dawn a ni, a ti.